Maalifushi by COMO - Part 3- 馬爾大夫在馬爾代夫 @ 【峰旅】的部落格

一開始有提過，Maalifushi呢間酒店嘅經營理念係healthy living，從佢哋嘅餐廳提供嘅食物都可以睇得出呢個理念。COMO Shambhala Cuisine係來自一個營養學概念，呢個概念係揉合薀含豐富活酵素嘅有機食材丶維他命同海洋礦物質去製作一個健康又美味嘅菜式。大廚會選最天然嘅食材以蒸丶或用一種印度炭烤爐烤焗嘅低溫烹調方法，確保所有美食都保留著本身有嘅營養同鮮味，旨在促進人體內嘅能量同集中力，幫助穩定血糖水平，清除身體內嘅毒素。

酒店嘅healthy living lifestyle除咗令我留下深刻印象，亦令好多嚟過嘅住客回味無窮，聽經理講，曾經有住客為咗酒店出産嘅薑茶特登再嚟！好難想像點解有人會因為一杯薑茶再住返同一間酒店而放棄嘆新酒店？！經理怕我唔信佢，即刻整杯我嘆吓，飲完之後我清楚明白了解喇！薑味又香又濃，味道甜甜辣辣好易入口，飲咗幾啖已經覺得血氣運行全身，正正正👍🏻
抱歉忘記同杯薑茶留倩影，不過相信佢係來自呢個organic garden。

37 拷貝.JPG

講返食，酒店一共有三間餐廳：
1. Madi：食早餐嘅地方，早餐以外嘅其他時間亦提供多元化嘅國際美食，逢一三五都係themed nights，除咗美食仲有歌舞表演，讓住客慢慢享受.

24 拷貝.JPG

我哋食lunch時就喺度試咗下面幾款COMO Shambhala Cuisine，唔好以為呢D健康食物都係冇味冇道唔係好吸引，當你試過後就知原來以低溫烹調出嚟嘅食物係咁美味！

32 拷貝.jpg

33 拷貝.jpg

2. Tai：日本餐廳，亦都係俾住客一邊欣賞日落一邊嘆返兩杯嘅好地方。

晚餐我哋喺Tai試咗日本嘢，除咗新鮮嘅魚生同壽司外，都有COMO Shambhala Cuisine，非一般嘅日本菜，味道當然好啦！

53 拷貝.jpg

54 拷貝.jpg

57 拷貝.jpg

3. Thila: 池邊輕食餐廳，提供較簡單嘅食物如Pizza丶沙律⋯適合一家大細邊玩邊食。

Maalifushi by COMO 真係一間多才多藝嘅resort，無論食丶住丶玩都滿足到要求多多嘅我😁✌🏻想了解多D呢間resort，快D去 TravelChannel.com.hk 睇吓，亦歡迎直接聯絡我馬爾大夫😊

想瀏覽更多精彩內容, [ 請按這裡繼續瀏覽 ]