【峰旅】的部落格

馬爾代夫內有些少規模嘅酒店大大話話有成130間，當中有好多都好吸引，今次我要介紹嘅Maalifushi by Como係其中規模頗大丶亦當然係非常之吸引人嘅一間！

Como呢個酒店集團喺美洲丶歐洲丶東南亞丶澳洲都有酒店，喺不丹同馬爾代夫就分別有兩間resorts。因為一島一酒店嘅關係，Maalifushi by Como係Thaa環礁嘅唯一酒店，喺馬累落機後轉搭40分鐘水上飛機就到Thaa環礁，因為落機嘅地方喺島出面，所以需要再轉坐1-2分鐘嘅船先會到酒店，雖然要轉機又轉船，不過全程都好舒服一D都唔覺頻撲👍🏻

Resort嘅lobby設計自然舒服，配合resort嘅經營理念 - healthy living！

lobby出面有個令大人小朋友都開心嘅木製韆鞦俾大家找回童真，仲有小朋友單車，可見呢間resort除咗適合honeymooners 外， 亦都好適合一家大細嚟渡假！

Resort共提供六種room type，值得一提嘅係呢度有差不多成4000呎嘅two-storey四房大宅供出租，裡面除咗有極大living area同泳池外、亦有廚房及視聽室，鍾意同一大班親友嚟渡假都無問題，不過價錢當然就。。。（哈哈！）而通常我哋香港人都會住villa，villa分beach villa同water villa，今次我就介紹香港人好嚮往嘅water villa。

Resort咁大villa當然都唔會細，Water villa面積大約1300呎，每間villa都有私人泳池以及落地玻璃對正印度洋，設計自然得嚟又有d現代感。

一入到房就係大廳，有張梳化俾你攤喺度一邊食零食一邊睇電視，如果你帶埋仔女嚟都唔洗擔心，呢度可以set做小朋友瞓覺嘅地方，呢間villa最多可以住到兩大兩小，收費就以人頭計。

房間內亦有提供各類型嘅飲品同少量零食，免費？你諗多咗，都係上機前喺香港買定實際D⋯⋯

門口左手面就係睡房，純白嘅雙人床乾淨舒服，附設蚊帳以防惡蚊襲擊，不過一般water villa始終遠離草叢，都好少有呢個問題。 而張床就當然係面對住一望無際嘅印度洋，推開落地玻璃門就可以出去做日光浴同落私人泳池暢泳一番。

想瀏覽更多精彩內容, [  請 按 這 裡 繼 續 瀏 覽  ]

-----------------------------------------------------------------------------------------------------------
👍👍想知更多馬爾代夫酒店資訊 /  優惠，記得緊貼我們社交平台 ：

👍👍免費下載  ebook電子書
🔥🔥      訂閱 YouTube頻道
👍👍Follow us @ : Facebook專頁   /  Instagram專頁
🔥🔥 瀏覽 峰旅BLOG遊記

你千其唔好錯過 Travel Channel 網站的價格，佢地經常有驚喜架！