泰國品牌Amari，近年將版圖拓展至馬爾代夫。
5星級嘅Amari Havodda Maldives位於壯麗璀璨嘅Gaafu Dhaalu Atoll，我哋晨早由馬累出發，坐咗55分鐘內陸機，之後再轉10分鐘快艇就到啦！
Amari嘅GM同Assistant Sales Manager由我哋到達一刻一直陪伴，視我哋為VIP一樣，非常好客！
雖然因為我哋係旅行社代表佢哋特別招待我哋，不過其實全酒店嘅員工都好nice好helpful，所以我敢擔保大家一定對Amari嘅服務滿意。
今次到達酒店仲係早上，所以我哋第一時間唔係check-in，而係應GM嘅邀請去食咗個早餐。
如果你去過泰國而又喜歡泰國酒店嘅早餐，必定對呢度嘅早餐滿意 ，因為呢度提供嘅早餐係泰國酒店標準嘅5星，食物質素及味道都好👍🏻
唯一要挑剔嘅就係因為馬爾代夫嘅其他5星luxury級酒店提供嘅早餐食物種類實在太多，尤其果汁及生果方面都有好多選擇，相比之下Amari就好似被比下去，不過從性價比角度嚟睇，Amari嘅早餐其實係好OK，必定能滿足第一次到馬爾代夫嘆世界嘅朋友。
食完早餐，我哋就返房休息一下。今次我哋一共3位峰小子一齊嚟，酒店好好，俾咗兩間Over Water Villa我哋，而呢兩間房分別係日出以及日落房，真係啱曬我哋，因為可以為大家影多D酒店唔同風景嘅靚相。
我住嘅係日出房，對出嘅潟湖係沙底，適合唔太熟水性嘅朋友，可以喺度玩水；而另一間日落房對出嘅潟湖就已經係珊瑚礁，一落水就已經有好多魚睇，如果你鍾意浮潛就可以揀呢邊嘅房喇
房間設計簡約時尚，最特別嘅係浴室嘅設計，浴室有淋浴間同浴缸，前面分別有兩個洗手盤，旁邊有張水上網床可以直接望海底，呢個設計確係幾得意；
而房間內嘅設施都非常方便住客，例如適合香港用嘅13A插蘇位及usb插頭位都幾多，方便大家為手機丶相機丶電腦，iPad同時差電👍🏻
帶埋小朋友嚟渡假想住間大D嘅房，當然就係揀beach villa啦！
Amari嘅beach villa可以住到3大1小或者2大2小，房間間格容許加多一張床；而沙灘行出去嘅水域都係佈滿珊瑚礁，要浮潛睇魚都一樣方便。另外呢度仲有beach pool villa，面積大概1200呎，1米多深嘅泳池唔係太大，未必適合小朋友喺度嬉水。
想瀏覽更多精彩內容, [ 請 按 這 裡 繼 續 瀏 覽 ]
-----------------------------------------------------------------------------------------------------------
👍👍想知更多馬爾代夫酒店資訊 / 優惠，記得緊貼我們社交平台 ：
👍👍免費下載 ebook電子書
🔥🔥 訂閱 YouTube頻道
👍👍Follow us @ : Facebook專頁 / Instagram專頁
🔥🔥 瀏覽 峰旅BLOG遊記
文章標籤
全站熱搜
馬爾代夫 Maldives (52)