Amari Havodda Maldives - Part 2- 馬爾大夫在馬爾代夫－【峰旅】的部落格

睇完房，我哋去咗主餐廳食lunch，lunch係buffet，食物嘅選擇唔算多，不過每天供應嘅食物種類都唔同，而且係package包嘅，性價比高。

我哋試咗grilled steak 同grilled pork chop，味道出乎意料地好，肉質鬆軟彈牙，而且醬料配搭多，大家都食到lam lam脷！另外，呢度嘅啤酒都好抵飲，一杯只需US7，大熱天時飲多幾杯都唔怕肉赤！

食飽飽，我哋去咗喺water villa前面俾couples影吓情侶照嘅影相位度影吓相，package係會送一張8"x10"嘅相片，為客人留住珍貴回憶。

之後，我哋去吓呢度嘅massage，Spa centre喺酒店中間位置，環境優美舒適；同其他spa centre一樣，未開始療程前按摩師會先俾問卷客人填，以了解客人按摩需要，問卷中英對照、圖文並附，就算你唔識字都冇問題😝至於按摩師手勢都唔錯，推油按穴位到位，泰式按摩亦可以鬆到D肌肉同筋骨，達到我哋嘅期望。

話咁快就係晚餐時間，主餐廳提供嘅係International buffet，雖然無每日唔同嘅主題buffet，不過同lunch buffet一樣，佢每日嘅食物都會轉款，所以都唔會怕悶。不過，如果你想試試其他食物，你都可以自費去日式餐廳Japanese Concept，甚至去沙灘BBQ Dinner。我哋想有D另類體驗，所以晚餐去咗氣氛幾好嘅沙灘BBQ食海鮮，費用每人US60++，係主餐廳以外一個唔錯嘅選擇。