Soneva Jani - Part 2- 馬爾大夫在馬爾代夫 @ 【峰旅】的部落格

Soneva Jani嘅water retreat真係唔講得小，亦係令酒店變得與別不同嘅地方！

今次我哋住One Bedroom Water Retreat with slide，全酒店得9間，兩層嘅別墅面積誇張地大，一共有4500呎！以我所知，Two Bedroom Water Retreat有6000呎，Four Bedroom Water Retreat更有成15000呎！

3V7A5044 拷貝.jpg

3V7A5083 拷貝.jpg

入到嚟，我哋覺得自己入咗間大宅一樣，唔多相信全間villa都係我哋住曬，好想叫埋D屋企人一齊嚟享受吓！

Villa間隔分明，除咗空間極大嘅主人房及小孩睡覺區外，仲有個大廳丶書房丶衣帽間、半露天浴室，廚房同埋mini-bar。主人房嘅雙人床對上係一個電動開關伸縮屋頂，只要㩒一個掣就可以開個屋頂嚟睇星星，你可以望住佈滿星星嘅夜空瞓覺，而且就算睇睇吓瞓着咗都唔洗擔心，因為個屋頂有雨水感應系統，萬一落雨佢會自動閂埋。

3V7A5105 拷貝.jpg

大廳內有張大型橢圓形梳化，坐喺度除咗可以望住個無敵大海景，亦可以透過梳化前嘅玻璃欣賞到海底嘅動物，隔離都有張凹咗入地下嘅枱，座位佈置舒適，可以坐喺度飮吓嘢望吓腳下玻璃地板嘅魚仔。

3V7A4612 拷貝.jpg

3V7A4614 拷貝.jpg

房間內嘅廚房仲提供酒店自家製乳酪同朱古力，當然都有咖啡機俾鍾意飲咖啡嘅朋友慢慢嘆！

另外，我必定要介紹一下我好喜歡嘅半露天浴室！浴室有蓋部分其實都係通風，一邊迎著海風一邊梳洗，設計極之特別，而地板中間都有一塊玻璃可以俾我哋睇到魚仔；浴室露天部分就有個浴缸同淋浴間，同埋落海嘅樓梯都喺呢度，方便落完海上水後立即沖身，當然呢度係有遮擋，唔會有人睇到你出浴啦😅

3V7A4561 拷貝.jpg

3V7A4566 拷貝.jpg

3V7A4630 拷貝.jpg

Villa露台景觀十分開揚，個泳池好長，係依著別墅嘅長度而建，泳池上設網床，泳池再對出有太陽椅同一張特別伸延出大海嘅圓形大梳化，坐喺度欣賞海景又有另一番感受！

3V7A4624 拷貝.jpg

3V7A4637 拷貝.jpg

Villa嘅二樓又有梳化位，夜晚上嚟睇星傾計就最正；旁邊就係同埋全間villa最好玩嘅地方 - 海上滑梯！呢條滑梯雖然只得一個彎位，不過離海面都有兩層高，而且個view實在太太太靚，我諗大家都應該同我一樣，成世人都未玩過'sir'落海嘅真滑梯，所以真係好開心好興奮！如果你帶埋小朋友嚟，相信佢哋一定開心到瞓唔著！滑梯旁邊仲有個懸空掛床，呢個都係其他酒店無㗎！

3V7A4690 拷貝.jpg