想落海嘅只要喺泳池邊落幾級就得，游完水上嚟攤喺小草屋入面欣賞日落，真係夕陽無限好！
床頭嘅後面係一個獨立嘅dressing area同浴室，空間好大！浴缸對住露台，個景有少少被出面嘅淋浴屏風阻擋，之但係呢個設計都好方便住客游完水沖身後直接入浴室，唔洗經過睡房搞到個地濕曬。順便話埋你知，今次我介紹呢間water villa係設置浴缸，但原來water suite有嘅係石缸，size比普通浴缸大好多，所以鍾意浸浴或者帶埋小朋友嚟渡假嘅朋友們可以考慮book water suite啊~
馬爾代夫嘅酒店提供嘅活動好似來來去去都係浮潛呀、釣魚呀、遊船河呀⋯其實活動種類有好多，例如可以扒隻kayak去酒店嘅house reef浮潛；想豪D，不妨book隻68呎長嘅豪華遊艇'Cameron'出海同朋友喺印度洋中間開party；要刺激D就可以夜潛去搵鯨鯊⋯⋯今次我哋就特別D，參加咗酒店安排嘅dolphin cruise去追蹤海豚！我個人十分享受呢趟船河，船長載我哋去到海豚經常出沒嘅海域四圍搵吓丶又食吓、等吓丶又飲吓、追吓⋯⋯最後真係俾我哋見到四五條活潑嘅海豚同我哋隻船你追我蹤，仲表演跳水我哋睇添呀，而隻船仲有個大型splash net可以俾遊客跳落水坐上去等隻船拖住一邊玩水一邊追海豚，我哋之後仲喺船上欣賞埋醉人嘅日落美景先回航！呢趟旅程真係非常enjoyable，我俾💯！
酒店活動除咗有動態嘅，當然都有靜態㗎啦，酒店有個wellness and spa centre "Como Shambhala"，裡面除咗提供spa、massage同facial，仲有瑜伽以及有關嘅靜修活動，務求令嚟渡假嘅朋友得到身心靈全面嘅放鬆！
想瀏覽更多精彩內容, 
[ 請 按 這 裡 繼 續 瀏 覽 ]
-----------------------------------------------------------------------------------------------------------
👍👍想知更多馬爾代夫酒店資訊 / 優惠，記得緊貼我們社交平台 ：
👍👍免費下載 ebook電子書
🔥🔥 訂閱 YouTube頻道
👍👍Follow us @ : Facebook專頁 / Instagram專頁
🔥🔥 瀏覽 峰旅BLOG遊記
留言列表
馬爾代夫 Maldives (53)